श्री साईं बाबा आरती (१)

आरती साईबाबा ।
सौख्यदातारा जीवा।
चरणरजतळीं ।
द्यावा दासां विसांवा,
भाक्ता विसावा ॥ध्रु०॥

जाळुनियां अनंग ।
स्वस्वरूपीं राहे दंग ।
मुमुक्षु जनं दावी ।
निज डोळां श्रीरंग,
॥ आरती० ॥१॥

जया मनीं जैसा भाव ।
तया तैसा अनुभव ।
दाविसी दयाधना ।
ऐसी तुजी ही माव,
॥ आरती० ॥२॥

तूमचें नाम ध्यातां ।
हरे संसृतिव्यथा ।
अगाध तव करणी ।
मार्ग दावीसी अनाथा,
॥ आरती० ॥३॥

कलियुगीं अवतार ।
सगुणब्रह्म साचार ।
अवतीर्ण झालासे ।
स्वामी दत्त दिगंबर,
॥ आरती० ॥४॥

आठां दिवसां गुरुवारीं ।
भक्त करिती वारीं ॥
प्रभुपद पहावया ।
भवभय निवारी,
॥ आरती० ॥५॥

माझा निजद्रव्य ठेवा ।
तव चरणरजसेवा ।
मागणें हेंचि आतां ।
तुम्हां देवधिदेवा,
॥ आरती० ॥६॥

इच्छित दीन चातक ।
निर्मल तोय निजसुख ।
पाजावें माधवा या ।
सांभाळ आपुली भाक,
॥ आरती० ॥७॥

Other Similar Pages