શિવ પંચાક્ષર સ્તોત્ર

નાગેંદ્રહારાય ત્રિલોચનાય ભસ્માંગરાગાય મહેશ્વરાય ।
નિત્યાય શુદ્ધાય દિગંબરાય તસ્મૈ નકારાય નમઃ શિવાય ॥૧॥

મંદાકિનીસલિલચંદનચર્ચિતાય નંદીશ્વરપ્રમથનાથમહેશ્વરાય ।
મંદારપુષ્પબહુપુષ્પસુપૂજિતાય તસ્મૈ મકારાય નમઃ શિવાય ॥૨॥

શિવાય ગૌરીવદનાબ્જવૃંદસૂર્યાય દક્ષાધ્વરનાશકાય ।
શ્રીનીલકંઠાય વૃષધ્વજાય તસ્મૈ શિકારાય નમઃ શિવાય ॥૩॥

વસિષ્ઠકુંભોદ્ભવગૌતમાર્યમુનીંદ્રદેવાર્ચિતશેખરાય ।
ચંદ્રાર્કવૈશ્વાનરલોચનાય તસ્મૈ વકારાય નમઃ શિવાય ॥૪॥

યક્ષસ્વરૂપાય જટાધરાય પિનાકહસ્તાય સનાતનાય ।
દિવ્યાય દેવાય દિગંબરાય તસ્મૈ યકારાય નમઃ શિવાય ॥૫॥

પંચાક્ષરમિદં પુણ્યં યઃ પઠેચ્છિવસન્નિધૌ ।
શિવલોકમવાપ્નોતિ શિવેન સહ મોદતે ॥૬॥

॥ ઇતિ શ્રીમચ્છંકરાચાર્યવિરચિતં શિવપંચાક્ષરસ્તોત્રં સંપૂર્ણમ્ ॥