રુદ્રાષ્ટકમ

નમામીશમીશાન નિર્વાણરૂપં વિભું વ્યાપકં બ્રહ્મ વેદસ્વરૂપં ।
નિજં નિર્ગુણં નિર્વિકલ્પં નિરીહં ચિદાકાશમાકાશવાસં ભજેઽહં ॥૧॥

નિરાકારમોંકારમૂલં તુરીયં ગિરા જ્ઞાન ગોતીતમીશં ગિરીશં ।
કરાલં મહાકાલ કાલં કૃપાલં ગુણાગાર સંસારપારં નતોઽહં ॥૨॥

તુષારાદ્રિ સંકાશ ગૌરં ગભીરં મનોભૂત કોટિ પ્રભા શ્રી શરીરં ।
સ્ફુરન્મૌલિ કલ્લોલિની ચારુ ગંગા લસદ્ભાલબાલેંદુ કંઠે ભુજંગા ॥૩॥

ચલત્કુંડલં ભ્રૂ સુનેત્રં વિશાલં પ્રસન્નાનનં નીલકંઠં દયાલં ।
મૃગાધીશચર્માંબરં મુંડમાલં પ્રિયં શંકરં સર્વનાથં ભજામિ ॥૪॥

પ્રચંડં પ્રકૃષ્ટં પ્રગલ્ભં પરેશં અખંડં અજં ભાનુકોટિપ્રકાશં ।
ત્રયઃ શૂલ નિર્મૂલનં શૂલપાણિં ભજેઽહં ભવાનીપતિં ભાવગમ્યં ॥૫॥

કલાતીત કલ્યાણ કલ્પાંતકારી સદા સજ્જનાનંદદાતા પુરારી ।
ચિદાનંદ સંદોહ મોહાપહારી પ્રસીદ પ્રસીદ પ્રભો મન્મથારી ॥૬॥

ન યાવદ્ ઉમાનાથ પાદારવિંદં ભજંતીહ લોકે પરે વા નરાણાં ।
ન તાવત્સુખં શાંતિ સંતાપનાશં પ્રસીદ પ્રભો સર્વભૂતાધિવાસં ॥૭॥

ન જાનામિ યોગં જપં નૈવ પૂજાં નતોઽહં સદા સર્વદા શંભુ તુભ્યં ।
જરા જન્મ દુઃખૌઘ તાતપ્યમાનં પ્રભો પાહિ આપન્નમામીશ શંભો ॥૮॥

રુદ્રાષ્ટકમિદં પ્રોક્તં વિપ્રેણ હરતોષયે ।
યે પઠંતિ નરા ભક્ત્યા તેષાં શંભુઃ પ્રસીદતિ ॥૯॥