Shree Hanuman Bahuk

॥ Chhappay ॥

English हिन्दी मराठी

॥ Chhappay ॥

Sindhu-Taran, Siya-Soch-Haran, Rabi-Baalbaran-Tanu ।
Bhuj Bisaal, Moorati Karaal Kaalhuko Kaal Janu ॥
Gahan-Dahan-Nirdahan-Lank Nihsank, Bank-Bhuv ।
Jaatudhaan-Balvaan-Maan-Mad-Davan Pavansuv ॥
Kah Tulsidaas Sevat Sulabh, Sevak Hit Santat Nikat ।
Gunganat, Namat, Sumirat, Japat, Saman Sakal-Sankat-Bikat ॥1॥

Svarn-Sail-Sankaas Koti-Rabi-Tarun-Tej-Ghan ।
Ur Bisaal, Bhujdand Chand Nakh Bajra Bajratan ॥
Ping Nayan, Bhrikutee Karaal Rasanaa Dasanaanan ।
Kapis Kes, Karakas Langoor, Khal-Dal-Bal-Bhaanan ॥
Kah Tulsidaas Bas Jaasu Ur Maarutsut Moorati Bikat ।
Santaap Paap Tehi Purush Pahin Sapanehun Nahin Aavat Nikat ॥2॥

॥ Jhoolna ॥

Panchmukh-Chhamukh-Bhrigumukhya Bhat-Asur-Sur, Sarv-Sari-Samar Samaratth Sooro ।
Baankuro Beer Birudait Birudaavalee, Bed Bandee Badat Paijpooro ॥
Jaasu Gungaath Raghunaath Kah, Jaasu Bal Bipul-Jal-Bharit Jag-Jaladhi Jhooro ।
Duvan-Dal-Damanko Kaun Tulsees Hai Pavanko Poot Rajpoot Rooro ॥3॥

॥ Ghanaakshari ॥

Bhaanuson Padhan Hanumaan Gaye Bhaanu Man-Anumaani Sisukeli Kiyo Pherphaar So ।
Paachhile Pagani Gam Gagan Magan-Man, Kramko Na Bhram, Kapi Baalak-Bihaar So ॥
Kautuk Biloki Lokpaal Hari Har Bidhi, Lochanani Chakaachaundhee Chittani Khabhaar So ।
Bal Kaidhaun Beerras, Dheeraj Kai, Saahas Kai, Tulsee Sareer Dhare Sabaniko Saar So ॥4॥

Bhaaratmen Paarathke Rathketu Kapiraaj, Gaajyo Suni Kururaaj Dal Halbal Bho ।
Kahyo Dron Bheesham Sameersut Mahaabeer, Beer-Ras-Baari-Nidhi Jaako Bal Jal Bho ॥
Baanar Subhaay Baalkeli Bhoomi Bhaanu Laagi, Phalang Phalaanghoonten Ghaati Nabhtal Bho ।
Naai-Naai Maath Jori-Jori Haath Jodhaa Johain, Hanumaan Dekhe Jagjeevanko Phal Bho ॥5॥

Gopad Payodhi Kari, Holikaa Jyon Laaee Lank, Nipat Nisank Parpur Galbal Bho ।
Dron-So Pahaar Liyo Khyaal Hee Ukhaari Kar, Kanduk-Jyon Kapikhel Bel Kaiso Phal Bho ॥
Sankatsamaaj Asamanjas Bho Raamraaj, Kaaj Jug-Pooganiko Kartal Pal Bho ।
Saahasee Samatth Tulseeko Naah Jaakee Baanh, Lokpaal Paalanko Phir Thir Thal Bho ॥6॥

Kamathkee Peethi Jaake Godanikee Gaadain Maano Naapke Bhaajan Bhari Jalnidhi-Jal Bho ।
Jaatudhaan-Daavan Paraavanko Durg Bhayo, Mahaameenbaas Timi Tomaniko Thal Bho ॥
Kumbhkarn-Raavan-Payodnaad-Eendhanko Tulsee Prataap Jaako Prabal Anal Bho ।
Bheesham Kahat Mere Anumaan Hanumaan-Saarikho Trikaal Na Trilok Mahaabal Bho ॥7॥

Doot Raamraay Ko, Sapoot Poot Paunko, Too Anjanee Ko Nandan Prataap Bhoori Bhaanu So ।
Seeya-Soch-Saman, Durit-Dosh-Daman, Saran Aaye Avan, Lakhanpriya Praan So ॥
Dasmukh Dusah Daridra Daribe Ko Bhayo, Prakat Tilok Ok Tulsee Nidhaan So ।
Gyaan-Gunvaan Balvaan Sevaa Saavadhaan, Saaheb Sujaan Ur Aanu Hanumaan So ॥8॥

Davan-Duvan-Dal Bhuvan-Bidit Bal, Bed Jas Gaavat Bibudh Bandeechhor Ko ।
Paap-Taap-Timir Tuhin-Bighatan-Patu, Sevak-Saroruh Sukhad Bhaanu Bhorko ॥
Lok-Parlokten Bisok Sapane Na Sok, Tulseeke Hiye Hai Bharoso Ek Orko ।
Raamko Dulaaro Daas Baamdevko Nivaas, Naam Kali-Kaamtaru Kesaree-Kisorko ॥9॥

Mahaabal-Seem, Mahaabheem, Mahaabaanait, Mahaabeer Bidit Baraayo Raghubeerko ।
Kulis-Kathortanu Jorparai Ror Ran, Karunaa-Kalit Man Dhaaramik Dheerko ॥
Durjanko Kaalso Karaal Paal Sajjanko, Sumire Haranhaar Tulseekee Peerko ।
Seeya-Sukhdaayak Dulaaro Raghunaayakko, Sevak Sahaayak Hai Saahasee Sameer Ko ॥10॥

Rachibeko Bidhi Jaise, Paalibe Ko Hari, Har Meech Maaribeko, Jyaaibe Ko Sudhaapaan Bho ।
Dharibeko Dharani, Tarani Tam Dalibeko, Sokhibe Krisaanu, Poshibeko Him-Bhaanu Bho ॥
Khal-Dukh-Doshibeko, Jan-Paritoshibeko, Maangibo Maleenataa Ko Modak Sudaan Bho ।
Aaratkee Aarati Nivaaribeko Tihoon Pur, Tulsee Ko Saaheb Hatheelo Hanumaan Bho ॥11॥

Sevak Syokaaee Jaani Jaanakees Maanai Kaani, Saanukool Soolpaani Navai Naath Naankko ।
Devee Dev Daanav Dayaavane Hvai Jorain Haath, Baapure Baraak Kahaa Aur Raajaa Raank Ko ॥
Jaagat Sovat Baithe Baagat Binod Mod, Taakai Jo Anarth So Samarth Ek Aankko ।
Sab Din Rooro Parai Pooro Jahaan-Tahaan Taahi, Jaake Hai Bharoso Hiye Hanumaan Haankko ॥12॥

Saanug Sagauri Saanukool Soolpaani Taahi, Lokpaal Sakal Lakhan Raam Jaanakee ।
Lok Parlok Ko Bisok So Tilok Taahi, Tulsee Tamaai Kahaa Kaahoo Beer Aankee ॥
Kesaree Kisor Bandeechhor Ke Nevaaje Sab, Keerati Bimal Kapi Karunaanidhaankee ।
Baalak-Jyon Paalihain Kripaalu Muni Siddh Taako, Jaake Hiye Hulasati Haank Hanumaan Kee ॥13॥

Karunaanidhaan, Balbuddhike Nidhaan, Mod-Mahimaanidhaan, Gun-Gyaanke Nidhaan Hau ।
Baamdev-Roop, Bhoop Raamke Sanehee, Naam Let-Det Arth Dharm Kaam Nirbaan Hau ॥
Aapane Prabhaav, Seetaanaath Ke Subhaav Seel, Lok-Bed-Bidhike Bidush Hanumaan Hau ।
Mankee, Bachankee, Karamkee Tihoon Prakaar, Tulsee Tihaaro Tum Saaheb Sujaan Hau ॥14॥

Manko Agam, Tan Sugam Kiye Kapees, Kaaj Mahaaraajke Samaaj Saaj Saaje Hain ।
Dev-Bandeechhor Ranror Kesareekisor, Jug-Jug Jag Tere Birad Biraaje Hain ॥
Beer Barjor, Ghati Jor Tulseekee Or Suni Sakuchaane Saadhu, Khalgan Gaaje Hain ।
Bigaree Sanvaar Anjaneekumaar Keeje Mohin, Jaise Hot Aaye Hanumaanke Nivaaje Hain ॥15॥

॥ Savaiya ॥

Jaansiromani Hau Hanumaan Sadaa Janke Man Baas Tihaaro ।
Dhaaro Bigaaro Main Kaako Kahaa Kehi Kaaran Kheejhat Haun To Tihaaro ॥
Saaheb Sevak Naate Te Haato Kiyo So Tahaan Tulseeko Na Chaaro ।
Dosh Sunaaye Ten Aagehunko Hoshiyaar Hvai Hon Man Tau Hiya Haaro ॥16॥

Tere Thape Uthapai Na Mahes, Thapai Thirko Kapi Je Ghar Ghaale ।
Tere Nivaaje Gareeb Nivaaj Biraajat Bairin Ke Ur Saale ॥
Sankat Soch Sabai Tulsee Liye Naam Phatai Makareeke-Se Jaale ।
Boodh Bhaye, Bali, Merihi Baar, Ki Haari Pare Bahutai Nat Paale ॥17॥

Sindhu Tare, Bade Beer Dale Khal, Jaare Hain Lankse Bank Mavaase ।
Tain Ran-Kehari Keharike Bidale Ari-Kunjar Chhail Chhavaa Se ॥
Toson Samatth Susaaheb Sei Sahai Tulsee Dukh-Dosh Davaa Se ।
Baanar Baaj Badhe Khal-Khechar, Leejat Kyon Na Lapeti Lavaa-Se ॥18॥

Achchh-Bimardan Kaanan-Bhaani Dasaanan Aanan Bhaa Na Nihaaro ।
Baaridnaad Akampan Kumbhkarann-Se Kunjar Kehari-Baaro ॥
Raam-Prataap-Hutaasan Kachchh, Bipachchh, Sameer Sameer Dulaaro ।
Paapten, Saapten, Taap Tihoonten Sadaa Tulsee Kahan So Rakhvaaro ॥19॥

॥ Ghanaakshari ॥

Jaanat Jahaan Hanumaanko Nivaajyau Jan, Man Anumaani, Bali, Bol Na Bisaariye ।
Sevaa-Jog Tulsee Kabahun Kahaa Chook Paree, Saaheb Subhaav Kapi Saahibee Sambhaariye ॥
Aparaadhee Jaani Keejai Saasati Sahas Bhaanti, Modak Marai Jo, Taahi Maahur Na Maariye ।
Saahasee Sameerke Dulaare Raghubeerjooke, Baanh Peer Mahaabeer Begi Hee Nivaariye ॥20॥

Baalak Biloki, Bali, Baareten Aapano Kiyo, Deenbandhu Dayaa Keenheen Nirupaadhi Nyaariye ।
Raavaro Bharoso Tulseeke, Raavaroee Bal, Aas Raavareeyai, Daas Raavaro Bichaariye ॥
Bado Bikaraal Kali, Kaako Na Bihaal Kiyo, Maathe Pagu Baleeko, Nihaari So Nivaariye ।
Kesareekisor, Ranror, Barjor Beer, Baanhupeer Raahumaatu Jyaun Pachhaari Maariye ॥21॥

Uthape Thapanthir Thape Uthapanhaar, Kesareekumaar Bal Aapano Sambhaariye ।
Raamke Gulaamaniko Kaamtaru Raamdoot, Mose Deen Doobareko Takiyaa Tihaariye ॥
Saaheb Samarth Toson Tulseeke Maathepar, Sou Aparaadh Binu Beer, Baandhi Maariye ।
Pokharee Bisaal Baanhu, Bali Baarichar Peer, Makaree Jyaun Pakarikai Badan Bidaariye ॥22॥

Raam Ko Saneh, Raam Saahas Lakhan Siya Raamkee Bhagati, Soch Sankat Nivaariye ।
Mud-Marakat Rog-Baarinidhi Heri Haare, Jeev-Jaamvantko Bharoso Tero Bhaariye ॥
Koodiye Kripaal Tulsee Suprem-Pabbayten Suthal Subel Bhaalu Baithikai Bichaariye ।
Mahaabeer Baankure Baraakee Baanhpeer Kyon Na, Lankinee Jyon Laatghaat Hee, Marori Maariye ॥23॥

Lok-Parlokhoon Tilok Na Bilokiyat, Tose Samarath Chash Chaarihoon Nihaariye ।
Karm, Kaal, Lokpaal, Ag Jag Jeevjaal, Naath Haath Sab Nij Mahimaa Bichaariye ॥
Khaas Daas Raavaro, Nivaas Tero Taasu Ur, Tulsee So Dev Dukhee Dekhiyat Bhaariye ।
Baat Tarumool Baanhusool Kapikachchhu-Beli, Upajee Sakeli Kapikeli Hee Ukhaariye ॥24॥

Karam-Karaal-Kans Bhoomipaalke Bharose, Bakee Bakbhaginee Kaahooten Kahaa Daraigee ।
Badee Bikaraal Baalghaatinee Na Jaat Kahi, Baanhubal Baalak Chhabeele Chhote Chharaigee ॥
Aaee Hai Banaai Besh Aap Hee Bichaari Dekh, Paap Jaay Sabko Guneeke Paale Paraigee ।
Pootanaa Pisaachinee Jyaun Kapikaanh Tulseekee, Baanhpeer Mahaabeer, Tere Maare Maraigee ॥25॥

Bhaalkee Ki Kaalkee Ki Roshkee Tridoshkee Hai, Bedan Bisham Paap-Taap Chhalchhaanhkee ।
Karaman Kootkee Ki Jantramantra Bootkee, Paraahi Jaahi Paapinee Maleen Manmaanhkee ॥
Paihahi Sajaay, Nat Kahat Bajaay Tohi, Baavaree Na Hohi Baani Jaani Kapinaanhkee ।
Aan Hanumaankee Dohaaee Balvaankee, Sapath Mahaabeerkee Jo Rahai Peer Baanhkee ॥26॥

Sinhikaa Sanhaari Bal, Surasaa Sudhaari Chhal, Lankinee Pachhaari Maari Baatikaa Ujaaree Hai ।
Lank Parjaari Makaree Bidaari Baarbaar, Jaatudhaan Dhaari Dhooridhaanee Kari Daaree Hai ॥
Tori Jamakaatari Madodari Kadhori Aanee, Raavankee Raanee Meghnaad Mahantaaree Hai ।
Bheer Baanhpeerkee Nipat Raakhee Mahaabeer, Kaunke Sakoch Tulseeke Soch Bhaaree Hai ॥27॥

Tero Baalkeli Beer Suni Sahamat Dheer, Bhoolat Sareersudhi Sakra-Rabi-Raahukee ।
Teree Baanh Basat Bisok Lokpaal Sab, Tero Naam Let Rahai Aarati Na Kaahukee ॥
Saam Daan Bhed Bidhi Bedhoo Labed Sidhi, Haath Kapinaathheeke Chotee Chor Saahukee ।
Aalas Anakh Parihaaskai Sikhaavan Hai, Ete Din Rahee Peer Tulseeke Baahukee ॥28॥

Tookaniko Ghar-Ghar Dolat Kangaal Boli, Baal Jyon Kripaal Natpaal Paali Poso Hai ।
Keenhee Hai Sambhaar Saar Anjaneekumaar Beer, Aapano Bisaarihain Na Merehoo Bharoso Hai ॥
Itano Parekho Sab Bhaanti Samarath Aaju, Kapiraaj Saanchee Kahaun Ko Tilok Toso Hai ।
Saasati Sahat Daas Keeje Pekhi Parihaas, Cheereeko Maran Khel Baalakaniko So Hai ॥29॥

Aapane Hee Paapten Tritaapten Ki Saapten, Badhee Hai Baanhbedan Kahee Na Sahi Jaati Hai ।
Aushadh Anek Jantra-Mantra-Totakaadi Kiye, Baadi Bhaye Devataa Manaaye Adhikaati Hai ॥
Kartaar, Bhartaar, Hartaar, Karm, Kaal, Ko Hai Jagjaal Jo Na Maanat Itaati Hai ।
Chero Tero Tulsee Too Mero Kahyo Raamdoot, Dheel Teree Beer Mohi Peerten Piraati Hai ॥30॥

Doot Raamraayko, Sapoot Poot Baayko, Samatth Haath Paayko Sahaay Asahaayko ।
Baankee Biradaavalee Bidit Bed Gaaiyat, Raavan So Bhat Bhayo Muthikaake Ghaayko ॥
Ete Bade Saaheb Samarthko Nivaajo Aaj, Seedat Susevak Bachan Man Kaayko ।
Thoree Baanhpeerkee Badee Galaani Tulseeko, Kaun Paap Kop, Lop Pragat Prabhaayko ॥31॥

Devee Dev Danuj Manuj Muni Siddh Naag, Chhote Bade Jeev Jete Chetan Achet Hain ।
Pootanaa Pisaachee Jaatudhaanee Jaatudhaan Baam, Raamdootkee Rajaai Maathe Maani Let Hain ॥
Ghor Jantra Mantra Koot Kapat Kurog Jog, Hanoomaan Aan Suni Chhaadat Niket Hain ।
Krodh Keeje Karmko Prabodh Keeje Tulseeko, Sodh Keeje Tinko Jo Dosh Dukh Det Hain ॥32॥

Tere Bal Baanar Jitaaye Ran Raavanson, Tere Ghaale Jaatudhaan Bhaye Ghar-Gharke ।
Tere Bal Raamraaj Kiye Sab Surkaaj, Sakal Samaaj Saaj Saaje Raghubarke ॥
Tero Gungaan Suni Geerabaan Pulakat, Sajal Bilochan Biranchi Hari Harke ।
Tulseeke Maathepar Haath Phero Keesnaath, Dekhiye Na Daas Dukhee Tose Kanigarke ॥33॥

Paalo Tere Tookko Parehoo Chook Mookiye Na, Koor Kaudee Dooko Haun Aapanee Or Heriye ।
Bhoraanaath Bhorehee Sarosh Hot Thore Dosh, Poshi Toshi Thaapi Aapano Na Avaderiye ॥
Ambu Too Haun Ambuchar, Amb Too Haun Dimbh, So Na, Boojhiye Bilamb Avalamb Mere Teriye ।
Baalak Bikal Jaani Paahi Prem Pahichaani, Tulseekee Baanh Par Laamee Loom Pheriye ॥34॥

Gheri Liyo Rogani Kujogani Kulogani Jyaun, Baasar Jalad Ghan Ghataa Dhuki Dhaaee Hai ।
Barasat Baari Peer Jaariye Javaase Jas, Rosh Binu Dosh, Dhoom-Mool Malinaaee Hai ॥
Karunaanidhaan Hanumaan Mahaabalvaan, Heri Hansi Haanki Phoonki Phaujain Tain Udaaee Hai ।
Khaaye Huto Tulsee Kurog Raadh Raakasani, Kesareekisor Raakhe Beer Bariaaee Hai ॥35॥

॥ Savaiya ॥

Raamgulaam Tuhee Hanumaan Gosaain Susaain Sadaa Anukoolo ।
Paalyo Haun Baal Jyon Aakhar Doo Pitu Maatu Son Mangal Mod Samoolo ॥
Baanhkee Bedan Baanhpagaar Pukaarat Aarat Aanand Bhoolo ।
Shriraghubeer Nivaariye Peer Rahaun Darbaar Paro Lati Loolo ॥36॥

॥ Ghanaakshari ॥

Kaalkee Karaalataa Karam Kathinaaee Keedhaun, Paapke Prabhaavkee Subhaay Baay Baavare ।
Bedan Kubhaanti So Sahee Na Jaati Raati Din, Soee Baanh Gahee Jo Gahee Sameerdaavare ॥
Laayo Taru Tulsee Tihaaro So Nihaari Baari, Seenchiye Maleen Bho Tayo Hai Tihoon Taavare ।
Bhootanikee Aapanee Paraayekee Kripaanidhaan, Jaaniyat Sabheekee Reeti Raam Raavare ॥37॥

Paayampeer Petpeer Baanhpeer Munhpeer, Jarjar Sakal Sareer Peermaee Hai ।
Dev Bhoot Pitar Karam Khal Kaal Grah, Mohipar Davari Damaanak See Daee Hai ॥
Haun To Bin Molke Bikaano Bali Baarehee Ten, Ot Raamnaamkee Lalaat Likhi Laee Hai ।
Kumbhajke Kinkar Bikal Boode Gokhurani, Haay Raamraay Aisee Haal Kahoon Bhaee Hai ॥38॥

Baahuk-Subaahu Neech Leechar-Mareech Mili, Munhpeer-Ketujaa Kurog Jaatudhaan Hain ।
Raamnaam Japjaag Kiyo Chahon Saanuraag, Kaal Kaise Doot Bhoot Kahaa Mere Maan Hain ॥
Sumire Sahaay Raamlakhan Aakhar Dou, Jinke Samooh Saake Jaagat Jahaan Hain ।
Tulsee Sambhaari Taadakaa-Sanhaari Bhaaree Bhat Bedhe Bargadse Banaai Baanvaan Hain ॥39॥

Baalpane Soodhe Man Raam Sanmukh Bhayo, Raamnaam Let Maangi Khaat Tooktaak Haun ।
Paryo Lokreetimen Puneet Preeti Raamraay, Mohbas Baitho Tori Tarakitaraak Haun ॥
Khote-Khote Aacharan Aacharat Apanaayo, Anjaneekumaar Sodhyo Raampaani Paak Haun ।
Tulsee Gosaain Bhayo Bhonde Din Bhooli Gayo, Taako Phal Paavat Nidaan Paripaak Haun ॥40॥

Asan-Basan-Heen Bisham-Bishaad-Leen, Dekhi Deen Doobaro Karai Na Haay-Haay Ko ।
Tulsee Anaathso Sanaath Raghunaath Kiyo, Diyo Phal Seelsindhu Aapane Subhaayko ॥
Neech Yahi Beech Pati Paai Bharuhaaigo, Bihaai Prabhu-Bhajan Bachan Man Kaayko ।
Taaten Tanu Peshiyat Ghor Barator Mis, Phooti-Phooti Nikasat Lon Raamraayko ॥41॥

Jion Jag Jaanakeejeevanko Kahaai Jan, Maribeko Baaraanasee Baari Sursariko ।
Tulseeke Duhoon Haath Modak Hai Aise Thaaun, Jaake Jiye Muye Soch Karihain Na Lariko ॥
Moko Jhootho Saancho Log Raamko Kahat Sab, Mere Man Maan Hai Na Harko Na Hariko ।
Bhaaree Peer Dusah Sareerten Bihaal Hot, Sou Raghubeer Binu Sakai Door Kariko ॥42॥

Seetaapati Saaheb Sahaay Hanumaan Nit, Hit Upadesko Mahes Maano Gurukai ।
Maanas Bachan Kaay Saran Tihaare Paany, Tumhare Bharose Sur Main Na Jaane Surkai ॥
Byaadhi Bhootjanit Upaadhi Kaahoo Khalkee, Samaadhi Keeje Tulseeko Jaani Jan Phurkai ।
Kapinaath Raghunaath Bholaanaath Bhootnaath, Rogsindhu Kyon Na Daariyat Gaay Khurkai ॥43॥

Kahon Hanumaanson Sujaan Raamraayson, Kripaanidhaan Sankarson Saavadhaan Suniye ।
Harash Vishaad Raag Rosh Gun Doshmaee, Birachee Biranchi Sab Dekhiyat Duniye ॥
Maayaa Jeev Kaalke Karamke Subhaayke, Karaiyaa Raam Bed Kahain Saanchee Man Guniye ।
Tumhaten Kahaa Na Hoy Haahaa So Bujhaiye Mohi, Haun Hoon Rahon Maun Hee Bayo So Jaani Luniye ॥44॥

More prayers for Hanuman