સૂર્ય

આદિત્ય હૃદય સ્તોત્ર

તતો યુદ્ધપરિશ્રાંતં સમરે ચિંતયા સ્થિતમ્ ।

ગુજરાતી English हिन्दी मराठी తెలుగు
તતો યુદ્ધપરિશ્રાંતં સમરે ચિંતયા સ્થિતમ્ ।
રાવણં ચાગ્રતો દૃષ્ટ્વા યુદ્ધાય સમુપસ્થિતમ્ ॥૧॥
દૈવતૈશ્ચ સમાગમ્ય દ્રષ્ટુમભ્યાગતો રણમ્ ।
ઉપાગમ્યાબ્રવીદ્રામમગસ્ત્યો ભગવાનૃષિઃ ॥૨॥
રામ રામ મહાબાહો શૃણુ ગુહ્યં સનાતનમ્ ।
યેન સર્વાનરીન્વત્સ સમરે વિજયિષ્યસિ ॥૩॥
આદિત્યહૃદયં પુણ્યં સર્વશત્રુવિનાશનમ્ ।
જયાવહં જપેન્નિત્યમક્ષયં પરમં શિવમ્ ॥૪॥
સર્વમંગલમાંગલ્યં સર્વપાપપ્રણાશનમ્ ।
ચિંતાશોકપ્રશમનં આયુર્વર્ધનમુત્તમમ્ ॥૫॥
રશ્મિમંતં સમુદ્યંતં દેવાસુરનમસ્કૃતમ્ ।
પૂજયસ્વ વિવસ્વંતં ભાસ્કરં ભુવનેશ્વરમ્ ॥૬॥
સર્વદેવાત્મકો હ્યેષ તેજસ્વી રશ્મિભાવનઃ ।
એષ દેવાસુરગણાંલ્લોકાન્ પાતિ ગભસ્તિભિઃ ॥૭॥
એષ બ્રહ્મા ચ વિષ્ણુશ્ચ શિવઃ સ્કંદઃ પ્રજાપતિઃ ।
મહેંદ્રો ધનદઃ કાલો યમઃ સોમો હ્યપાં પતિઃ ॥૮॥
પિતરો વસવઃ સાધ્યા હ્યશ્વિનૌ મરુતો મનુઃ ।
વાયુર્વહ્નિઃ પ્રજાપ્રાણ ઋતુકર્તા પ્રભાકરઃ ॥૯॥
આદિત્યઃ સવિતા સૂર્યઃ ખગઃ પૂષા ગભસ્તિમાન્ ।
સુવર્ણસદૃશો ભાનુર્હિરણ્યરેતા દિવાકરઃ ॥૧૦॥
હરિદશ્વઃ સહસ્રાર્ચિઃ સપ્તસપ્તિર્મરીચિમાન્ ।
તિમિરોન્મથનઃ શંભુસ્ત્વષ્ટા માર્તાંડ અંશુમાન્ ॥૧૧॥
હિરણ્યગર્ભઃ શિશિરસ્તપનો ભાસ્કરો રવિઃ ।
અગ્નિગર્ભોઽદિતેઃ પુત્રઃ શંખઃ શિશિરનાશનઃ ॥૧૨॥
વ્યોમનાથસ્તમોભેદી ઋગ્યજુઃસામપારગઃ ।
ઘનવૃષ્ટિરપાં મિત્રો વિંધ્યવીથીપ્લવંગમઃ ॥૧૩॥
આતપી મંડલી મૃત્યુઃ પિંગલઃ સર્વતાપનઃ ।
કવિર્વિશ્વો મહાતેજાઃ રક્તઃ સર્વભવોદ્ભવઃ ॥૧૪॥
નક્ષત્રગ્રહતારાણામધિપો વિશ્વભાવનઃ ।
તેજસામપિ તેજસ્વી દ્વાદશાત્મન્નમોઽસ્તુ તે ॥૧૫॥
નમઃ પૂર્વાય ગિરયે પશ્ચિમાયાદ્રયે નમઃ ।
જ્યોતિર્ગણાનાં પતયે દિનાધિપતયે નમઃ ॥૧૬॥
જયાય જયભદ્રાય હર્યશ્વાય નમો નમઃ ।
નમો નમઃ સહસ્રાંશો આદિત્યાય નમો નમઃ ॥૧૭॥
નમ ઉગ્રાય વીરાય સારંગાય નમો નમઃ ।
નમઃ પદ્મપ્રબોધાય માર્તાંડાય નમો નમઃ ॥૧૮॥
બ્રહ્મેશાનાચ્યુતેશાય સૂર્યાયાદિત્યવર્ચસે ।
ભાસ્વતે સર્વભક્ષાય રૌદ્રાય વપુષે નમઃ ॥૧૯॥
તમોઘ્નાય હિમઘ્નાય શત્રુઘ્નાયામિતાત્મને ।
કૃતઘ્નઘ્નાય દેવાય જ્યોતિષાં પતયે નમઃ ॥૨૦॥
તપ્તચામીકરાભાય વહ્નયે વિશ્વકર્મણે ।
નમસ્તમોઽભિનિઘ્નાય રુચયે લોકસાક્ષિણે ॥૨૧॥
નાશયત્યેષ વૈ ભૂતં તદેવ સૃજતિ પ્રભુઃ ।
પાયત્યેષ તપત્યેષ વર્ષત્યેષ ગભસ્તિભિઃ ॥૨૨॥
એષ સુપ્તેષુ જાગર્તિ ભૂતેષુ પરિનિષ્ઠિતઃ ।
એષ એવાગ્નિહોત્રં ચ ફલં ચૈવાગ્નિહોત્રિણામ્ ॥૨૩॥
વેદાશ્ચ ક્રતવશ્ચૈવ ક્રતૂનાં ફલમેવ ચ ।
યાનિ કૃત્યાનિ લોકેષુ સર્વ એષ રવિઃ પ્રભુઃ ॥૨૪॥
॥ ફલશ્રુતિઃ ॥
એનમાપત્સુ કૃચ્છ્રેષુ કાંતારેષુ ભયેષુ ચ ।
કીર્તયન્ પુરુષઃ કશ્ચિન્નાવસીદતિ રાઘવ ॥૨૫॥
પૂજયસ્વૈનમેકાગ્રો દેવદેવં જગત્પતિમ્ ।
એતત્ ત્રિગુણિતં જપ્ત્વા યુદ્ધેષુ વિજયિષ્યસિ ॥૨૬॥
અસ્મિન્ક્ષણે મહાબાહો રાવણં ત્વં વધિષ્યસિ ।
એવમુક્ત્વા તદાઽગસ્ત્યો જગામ ચ યથાગતમ્ ॥૨૭॥
એતચ્છ્રુત્વા મહાતેજા નષ્ટશોકોઽભવત્તદા ।
ધારયામાસ સુપ્રીતો રાઘવઃ પ્રયતાત્મવાન્ ॥૨૮॥
આદિત્યં પ્રેક્ષ્ય જપ્ત્વા તુ પરં હર્ષમવાપ્તવાન્ ।
ત્રિરાચમ્ય શુચિર્ભૂત્વા ધનુરાદાય વીર્યવાન્ ॥૨૯॥
રાવણં પ્રેક્ષ્ય હૃષ્ટાત્મા યુદ્ધાય સમુપાગમત્ ।
સર્વયત્નેન મહતા વધે તસ્ય ધૃતોઽભવત્ ॥૩૦॥
અથ રવિરવદન્નિરીક્ષ્ય રામં
મુદિતમનાઃ પરમં પ્રહૃષ્યમાણઃ ।
નિશિચરપતિસંક્ષયં વિદિત્વા
સુરગણમધ્યગતો વચસ્ત્વરેતિ ॥૩૧॥
॥ ઇતિ આદિત્યહૃદયં મંત્રમ્ ॥

સૂર્યની વધુ પ્રાર્થનાઓ